Раштавӑн 21-мӗшӗнче Патӑрьел тӗл вулавӑшӗнче «Чӑваш поэзийӗн аксакалӗ» ятлӑ литература сехечӗ иртрӗ. Ӑна паллӑ чӑваш сӑвӑҫи В.И. Давыдов-Анатри ҫуралнӑранпа 90 ҫул ҫитнӗ май хатӗрленӗ.
Мероприятине вулавӑшӑн директор ҫумӗ Мазякова Н.В. ертсе пычӗ. Нина Васильевна чи малтан хӑнасемпе паллаштарчӗ — чаплӑ сӑвӑҫ кун-ҫулӗпе паллаштарма Шупашкартан Чӑваш Ен халӑх сӑвӑҫи Валерий Владимирович Туркай, чӑваш ҫыравҫи Аркадий Петрович Казанов тата чӑваш сӑвӑҫи Альбина Васильевна Юрату ҫитнӗччӗ.
Сӑвӑҫ кун-ҫулӗпе вулавӑшра ӗслекен Наталия Алексеевна Ракова каласа пачӗ, ятарласа хатӗрленӗ буклетпа паллаштарчӗ.
Шупашкар хӑнисем мероприятине килнӗ 7-мӗш ПУ-па 2-мӗш Патӑрьел вӑтам шкулӗнчи ачасене В.И. Давыдов-Анатри пирки нумай интереслӗ япала каласа пачӗҫ, хӑйсен сӑввисемпе те паллаштарчӗҫ.
-14.7 °C